//
you're reading...
Kebudayaan, Opini

Cerita Pendek Dalam Bahasa Simalungun

Bani sada huta (Sarimatondang ma lobei ningku) i Kecamatan Sidamanik Kabupaten Simalungun adong ma dua halak dalahi na marlajar garama. Sada margoran si Palnut janah na sada nari margoran si Gompang. Ia goran pandiloon ni Palnut on aima Pal. “Pal, hujon lobei ho. Omba lobei anggimon,” nini inang ni sanggah mandilo ia. Anggo Gompang somal idilo, Gom. “Gom, buat lobei panginsopan hai ambia,” nini bapani sanggah marsuruh ia mambuat panginsopan ni.

I huta ai adong homani sada daboru na marlajar-lajar anak boru, goran ni Bintang Maratur. Sanggah mandilo ia somal ipakei, Tur. “Tur, duda lobei tongkin bulung gadung ai, nang,” nini inang ni sanggah marsuruh ia manduda loyo. Bintang on jenges bohi ni. Seng pala lopak ia namin, naha ma na i huta. Halani gati  hu juma tontu idadang milas ni ari ma tong. Hansi anggo sanggah tartawa ia, mintor do taridah ipon ni ai jojor tumang janah lopak homa ni. Ambah ni ai adong homani songon na marlubang─lesung pipit nini hasoman Melayu─bani huyum ni. Aih lakan, jenges tumang ma tongon ia!

Palnut on angkula ni banggal tapi seng pala pamomburtu. Ganjang angkulani janah togap homani. Ambah ni ai sorani pe adong homa parbongorni. Porini sanggah marguru doding ondi boi ma ia gabe parlagu opat. Anggo i huta ai sihabiaran ma ia tong itongah-tongah ni hasoman satorbangni. Tapi nata pe sonai seng pala hatahonon na nakal ia. Hansi anggo manghorjahon sada horja, gati do naidah songon na rayohan ia. Songon na lang ibagas uhur ni sanggah na mandalankon sada horja.

Ia Gompang on seng pala gijang namin atap banggal angkula ni. Gariada boi hatahonon songon na adong otik parmerung ni. Tapi sedo homa merung halani borit-boritan ia. Sonai do gakni parangkulaonni humbani haetekhon ni nari. Nata pe sonai, hissa do ia sanggah manghorjahon sada horja. Bahat homani lawakni. Gati do tartawai hasoman sanggah marhuria-huria pakonsi. Porini lang adong ia, mintor do torih-torih hasomanni ganupan halani lungunan.

Nasiam hasoman, na tolu halak on ma na gabe tokoh utama holi bani Cerita Pendek Dalam Bahasa Simalungun on. Hansi pe adong holi piga-piga tambahan domu hubani pardalanan ni turi-turian ai. Mangindo maaf au bani nasiam porini adong goran-goran na  sarupa ibagas on pakon goran nasiam. Seng na marsangaja au ijai. Naha ase lambin rarat na mambotoh Bahasa Simalungun tarlobih na maposo na tubuh janah tading i kota-kota songon Medan, Jakarta, Bandung pakon na legan. Ai do ase nasuba mambahen sada cara ase lambin bahat na mangarusi tarlobih marsahap i bagas sahap Simalungun.

Sonai ma hata pamungkah humbangku songon na marsitandaan lobei, tene.

·

Surabaya, 2 Agustus 2009.

Penulis,

Farel M. Sinaga

·

·

Mohon Perhatian,

1. Sarimatondang adalah nama kampung halaman saya. Nama Sarimatondang dalam tulisan ini adalah nyata sedang nama-nama pelaku pembawa cerita adalah fiktip, rekaan dari penulis semata.

2. Kalau ada yang mau kasih komentar hendaknya bersifat membangun. Misalnya ada kesalahan dalam penulisan kata karena penulis berasal dari Simalungun Atas sehingga bisa saja ada perbedaan dengan dialek Raya atau dialek lainnya.

.

Diskusi

4 thoughts on “Cerita Pendek Dalam Bahasa Simalungun

  1. Thx y,,
    Cz halaman web ne ,pr bhsa daerah kku d smp BM siap..🙂

    Butuh lebih byak lgi dunk..
    Hehehkk

    Posted by Inggrid | 19 September 2011, 21:06
    • Ada 2 tulisan lagi masing-masing berjudul “Marsurai Bah i Sabah” dan “Na Ija Do Hita On?” Sudah baca belum? Terima kasih juga telah singgah kemari…🙂

      Posted by Farel M Sinaga | 23 September 2011, 09:11
  2. Artina apa’n it???

    Posted by Riniie bocaah bandalzz | 13 Februari 2014, 15:44
  3. Mari kita dukung untuk simalungun yang lebih baik…
    http://www.bonapetruspurba.wordpress.com

    Posted by Bona Purba | 2 September 2014, 14:03

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: